ang sarap ng may trabaho.

dahil alam mong tuwing kinsenas, may aasahan kang pera na magagamit mo para sa mga luho mo sa buhay. may mahuhugot ka sa bulsa mo kapag nadaan ka sa mall, tapos may bigla kang gustong bilhing bagay.

lalong mas masarap ang may trabaho kung nakakaraket ka pa bukod sa regular mong trabaho. sa industriya na kinabibilangan ko, heto ang motto:

"raket lang ng raket hangga't nakatayo."

eh kasi nga naman, hiwalay na TF iyun sa buwanang suweldo mo. o di ba ang saya?

pero siyempre, bago mo matikman ang saya, eh dadaan ka muna sa hirap. stress, deadlines, sigawan, minsan may murahan, minsan may awayan. pero sa huli, ngiti rin naman ang mabibigay sa iyo nung mga hirap na iyun.

masaya ang may trabaho. sa mga panahong ganito lalo kong naa-appreciate ang pera, este, ang trabaho ko. bukod sa nabibili ko ang mga kailangan at gusto ko sa buhay, nakakaipon pa ako. at take note, ipon kung ipon. almost half of my sweldo, talagang itinatabi ko para sa savings ko.

kaya kayong mga gustong mag-resign, o di kaya naman ay nagpapaka-bum sa buhay, I suggest na maghanap na kayo ng kapalit o di kaya nama'y bagong trabaho bago kayo gumawa ng anumang desisyon. dahil sa mga panahon ngayon, mahirap ang walang pera.mahirap ang walang trabaho.

o siya, magsha-shopping muna ako.