ala-una ng madaling araw. matapos ang tatlong araw na walang tulog at pag-eedit ng aking uber-stressful special project with lotsa money involved, nakapahinga na ako sa wakas (ang pahinga sa akin ay magkaroon ng at least (take note, AT LEAST, limang oras na tulog).
pero bago ako matulog ngayon, binuksan ko muna at tinignan ang email ko...at ito ang bumulaga sa akin:
"new friendster request from *****."
pagkakita ko pa lang sa pangalan niya, biglang kumabog ang dibdib ko. animo'y dinala ako pabalik apat na taon na ang nakararaan sa aking buhay. naalala ko nung nagpunta kami ng sm manila, tapos nagpunta sa isang cafe pagkatapos at naki-jamming sa ilang mga kaibigan. umuwi kami ng malakas ang ulan kaya ayun basang-basa kami sa jeep na sinakyan namin noon.
naalala ko rin iyung panahong ako iyung naging "shoulder to cry on" niya nang maghiwalay sila ng kanyang longtime boypren, college pa ko nun.
dali-dali kong binuksan ang aking friendster account at tinignan ang kanyang profile.
napanganga ako pagkakita ko sa picture niya. katahimikan ng ilang minuto. tanging tunog ng bentilador lang ang maririnig. tapos...
"shadam, shadam, shaadaaam! wooohhhh, wooohhh!"
"kapag tumibok ang puso, wala ka ng magagawa kundi sundin ito. kapag tumibok ang puso, lagot ka na, siguradong huli kaaa..."
pakshet, ang ganda pa rin niya. as in. walang pinagbago. actually lalo siyang gumanda.
sinagot ko iyung hello niya sa akin sa kanyang message. nagkwento ako ng konti sa kalagayan ko ngayon at inaya ko siya magkwentuhan.
opkors, iniwan ko ang cell number ko at sabi ko sa kanya, i-text niya ako. pero heto ang catch, may postscript ako. yep, capital P, at capital S. P.S. Post Script.
sabi ko:
"ang ganda mo pa rin. pwede ba ako manligaw? ipapag-pray na kita agad, lalo pa ngayong single ang nakalagay sa profile mo."
di ko napigilan sarili ko. sobrang ganda niya ngayon eh. at ngayong matanda na ko, 'di ko na palalampasin pa ang pagkakataong ito.
pero teka, pano na iyung bagong tinitext ko?
ah ewan. itutulog ko na lang muna ito. dahil bago pa man muling tumibok ang puso ko, kailangan kong ipahinga ang utak ko.
"kapag tumibok ang puso, wala ka ng magagawa kundi sundin ito. kapag tumibok ang puso, lagot ka na, siguradong huli kaaa..."
"shadam, shadam, shaadaaam! wooohhhh, wooohhh!"
lekat talaga di ba?
